Our life is the choices we make

今天考試感覺不錯,典型finance 的卷子,看得懂一下子就可以解決了,看不懂磨爛席也沒有用。 試後馬上就去了包餃子,難得的輕鬆。 家下有一棵巨型聖誕樹 樓下 今天買了一些聖誕卡,好久沒有寫聖誕卡了,難得來到了北歐,當然要寄一封卡片給朋友~卡片不貴,可是郵費盛惠$11 hkd一張,要睇住個荷包來寄! 這邊比較多不規則形的卡片

在香港時,好日都不會吃公仔麵。 在瑞典,公仔麵好貴,5.9kr 一包,只有大日子前才會煮一包來過過口癮。 明早要考試了,加上現在路滑,走去考場可得花上20分鐘,今天特意去超市買了3 包歐洲版的出前一丁。 總覺得歐洲版的麵沒有亞洲的那麼香&彈牙,配料又沒有麻油,而且只有4 種口味,咖哩、牛肉、雞蓉和鮮蝦,可是我喜歡的是原味呀。食完仲要肚痛,么事呀宜家。

這星期的fika 主題是christmas,而重頭戲就是起薑餅屋啦! 所有原材料都在這裡了 看看!不只我一個人興奮,大家都很期待! 先點亮蠟燭,只點亮一根,因為代表十二月的第一個星期來臨了。 話咁快已經起好左個base。 加建埋個屋頂 最後加上煙囪 呢個係瑞典成日有既甜品,由咖啡、椰絲、牛油、麵粉(??不太肯定) 搓成,再放入冰箱雪30mins 開始裝修啦 我係第一個!yeah! 個個都有份幫手 A" little" boy is playing football. 瑞典人對性比較開通,所以有時也會拿這來開玩笑。但相處下來,你會覺得他們大多時比香港人(城市人)更單純善良。 間屋好靚呀~!!!!! 開始fika 啦,大家坐在一起飲飲茶,食甜品,再加吹下水,咁就過左一晚啦! 我們決定拍"funniest photo",um..睇來好成功! XD 我諗唸個就係點解我住果度冇超市,但我都想留低既原因了。apartment 式既學生宿舍有時更像一個屋企,我們可以傾得好深入,關係會更加親密。 就好像今天,pe 新生忽然問我"goodnight" 用廣東話係講,我用"早抖"做例子,話如果你細聲溫柔咁講,即係"sleep earlier "咁解,但如果好粗魯咁講,即係"Go to hell"。佢地覺得廣東話比普通話更加好玩,之後就嘗試用唔同語氣去講。其實呢度既生活好簡單,好小事已經可以開心成日,當坐埋一起傾計時,大家都用心去聽。係香港,有時即使坐埋一枱,都未必有心機去聽人講野,去真正享受相聚既一刻,大家永遠都有緊要野要做。但果d 野係唔係自己真正想要的?? 每一次做一個重大決定時,我都會站在80歲的角度去想,如果我現在老到走不動了,什麼事也做不了了,只可以回憶往事,那么我會希望自己的24歲是如何渡過?

2 點就天黑的日子,說不上是習慣了,可是也得接受。 2 點天黑的壞處就是拍照時不可以選擇p mode 了,我以前拍的照片全是p mode (p=Programme),就是相機會因應環境而自動設訂光圈和快門,所以照片好只是因為相機好。可是現在日日光線不足,有時p mode 沒法使用,係時侯要學習一下使用M Mode. 天寒地凍,只可以待在家中練習,真是不折不扣的宅女。

休息得個幾日,又要開始忙啦! Aiesec果邊都開始左,上左2天的training ,星期六開始真正動手去做。今天跟組員們聊天,有西班牙男孩,來瑞典讀本科更希望讀碩士,因為西班牙碩士學位一年要10萬kr學費;也有曾在hk citi bank 和 hsbc 工作的越南女生,過來是為了進修,還有好好學習投資,因為她買了很多越南股票都被套住了。我想這是我最喜歡瑞典的原因,這裡什麼國家的人都有,大家可以交流不同的文化,我還向西班牙男生打聽西班牙必遊之地。 新既一科有3 位老師,1 個廢既,好在有d finance 底,自己睇書都知道佢想表達么野。今日果個,嘩!一入班房就精神哂,做么有個20到尾既人坐左係老師位度??鼻高高又五官端正,真人比學校網頁上面仲靚仔! 佢本身係umea university 畢業,之後去左stockholm university讀碩士,再番來Umea 讀多一個finance Phd,但本科是讀computer science.難怪對計數十分熱愛,成堂就不停將formula A塞入去formula B,再推算出formula C同formula B之間的關係,好在之前undergraduate 有聽書,都跟到佢既進度。呢位老師又時不時搞下爛gag,真係好啦, d lecture 即時吸引好多。 過左來瑞典,學習模式改變左好多。由於學既野太多,如果唔一星期清一次readings, 去到考試就大檸樂。另外,有唔明會即時問老師,盡量即日清哂佢。我以前有唔明就由佢算了.... 係學校網頁偷番來既,瑞典唔止靚仔老師多,靚仔同學都唔少,可惜靚女少左d,不過唔關我事啦! 就算係exchange students,都有好多靚仔!有個法國人好識襯衫,本身又生得斯文,番學用既書包都係好像 Tommy Hilfiger的杏色旅行袋,但我唔識讀佢個名,好繞口。 今日成朝就去左換車頭燈,因為前天買了一個單車燈,可惜是壞的,結果又要踩半個鐘單車去換一個價值29kr 的燈,但如果同樣野係downtown 買,要成99kr@@。跟手係大超市willy"s 入左生果,牛奶,油等等。番來食埋飯就要準備番學,臨出發前又手痕去影下相,因為呢2日白天是1到-2度不等,尋晚仲結埋霜。 d樹光禿禿 雖然凍左d,但天氣好好呀! 一結霜,個地下就閃令令,如果...

11月9日原來是瑞典人的父親節,所以大超市做特價:5 kr 1公斤香蕉,就是為了這香蕉,我要在大霧中(能見度只有2米左右)騎30分鐘單車,可以安全回家還真是奇蹟。 總共買了11條香蕉,8kr左右,有5 條是幫朋友買的 大超市ica maxi 還有Apivita的mask 賣,50kr 2包 另外也買了大米、燈等蔬果 下午坐巴士去看Ice hockey 倒數中! 現場看的氣氛很好,強勁的音樂令人情緒高漲 吉祥物出場 裁判 比賽正式開始!對Ice hockey 的認識只是知道有一套日劇《冰之驕子》是以此為主題 最喜歡看2隊球員爭開球,黃綠球衣的是Umea 隊 ice hockey 是隨時可以換人.比賽也不用中止。球員打累了就直接回去,另一位球員會自動出來繼續比賽,連守門員在內,一場比賽需要6位球員。我覺得ice hockey 是很危險的活動,因為大家都反應很快,衝力很大。有時看到umea team 的球員因為停不下來,直接撞上另一組的球員,而且有時他們好像是故意打架(對我而言,已經是犯規)。 每打20分鐘就要休息一下,一次比賽最起碼打3 趟,今天還打成平手,要加時決定勝負。 由於umea team 的顏色是黃綠色,很多人會穿這2 色的衣服到場打氣,大多數家長也把小孩帶入場,從小就把ice hockey 帶入他們的生活中。 守門員不可以換人,所以他會把水壺放在網上,偷空喝水。另外,他的鞋子也是特別製造的,一跪下來長度剛好可以封住龍門,令對方不能直打入球。 對方的球隊進球了 最後足足打了2小時,還是平手,要打加時賽。結果一上場,對方就快刀斬亂麻,一口氣把球攻入龍門。